Gaek Ambo Nak Pai Umroh

Gaek ambo nak pai umroh. Iko memang idak disangko nian. Namonyo la rezeki tu idak kemano. Ado-ado bae. Maksudnyo? Iyo, gaek ambo tu  nak pai umroh  bukan dari ongkos sendiri, tapi diongkosi kek orang. Kek siapo tu? Endak-endaknyo dio nak ngongkosi umroh. Emang idak rugi yo? Entah, itu mungkin kecek kito bae rugi. Kecek orang tu idakla. Jadi, siapo yang nak bayari gaek ambo pai ke tanah suci tu? Ado, namonyo pak Aang, pengusaha sukses di desa ambo. Huihh..dermawan nian orang tu. Mudah-mudahan baelah.

Ambo tahu kalau gaek ambo nak pai umroh tu dari adek ambo pagi tadi pas  baru balik dari lari pagi keliling kota Bengkulu. Keliling kota nian tu idak. Cuma dari prapto (jalan Soeprapto) terus ke arah kantor Kemenag provinsi, terus belok kanan di  jalan Beringin. Lurus. Belok kanan lagi, ado pos polisi dekek kantor harian Bengkulu Ekspress. Pokoknyo mutar terus dan ke tempek semul0 prapto. Lumayan. Banjir keringek. Keringek anak mudo.

“Tadi apak nelepon. Doakan bae katonyo apak nak pai umroh. Kemarin istri Aang kek ibu Ros (guru PAI di SMP di dusun ambo) datang ke rumah. Apak nak diajak umroh kek Aang. Tapi itu kelak, April 2014 ,” tutur adek ambo pas ambo la duduk di kursi empuk, di kamar lantai 3 apartemen masjid Muhammadiyah prapto. Sebenarnyo, agak-agak idak pecayo jugo adek ambo ngecek cek itu kek ambo, di pagi buto, dimano sayo belum sarapan pulo.

“Nian, Man? Kek siapo kelak tu apak pai umroh?” kecek ambo nak tahu lagi.

“Yak, entah, idak tahu sayo.”

“La tadi keceknyo kek ibu Ros tu apo?”

“Bukan, kemarin ibu Ros kek istri Aang tu ke rumah, ngecekkan kalau apak tu nak diajak umroh, terus Aang yang nak bayari.”

Waduh. Mantapla tu. Rezeki tu idak kemano. Iko artinya, permintaan gaek ambo selama iko tekabul jugo kek Tuhan, meskipun selamo iko gaek tu berharap pacak naik haji. Tapi lumayan, mudah-mudahan dengan diajak umroh pacak memuluskan niat gaek nak berhaji kelak. Karena kecek orang, siapo yang memanjatkan doa di masjid Haram, apolagi di dekek Hajar Aswad (batu itam) tekabul doanyo. Entahla, belum pernah kesano.

Konon, siapa saja yang berkesempatan berdoa di depan Hajar Aswad (batu hitam) ini doanya bakal dikabulkan. (http://www.jurnalhajiumroh.com)

Konon, siapa saja yang berkesempatan berdoa di depan Hajar Aswad (batu hitam) ini doanya bakal dikabulkan. (http://www.jurnalhajiumroh.com)

“Emak, cakmano? Diajak jugo, dak, Man?” Ambo nanyo lagi kek adek ambo tu penasaran.

“Idak, apak ajo. Tapi, kalau pacak, dari kini mela kito nabung biar emak jugo pacak ikut kek apak kelak tu. Waktunyo masih lamo, setaun lagi. Cuma Rp 18 juta umroh tu kecek apak tadi. Biar apak ado pendamping pas umroh kelak. Kan lemak,” kato adek ambo nyerocos yang sebenarnyo ambo jugo setuju.

Selain besukur atas apo yang diberikan Tuhan kek gaek ambo melalui pak Aang itu, ambo jugo kepikiran kalau gaek di rumah tu idak lagi mudo. Umurnyo la 70-an lebih. Ambo khawatir fisiknyo kurang memungkinkan kelak kalo pai umroh. Tapi, mungkin itu pikiran negatif ambo ajo. Perlahan ambo tepis pikiran yang idak-idak itu. Ambo yakin bae kini, Tuhan pasti ngasih kekuatan kek gaek ambo. Mudah-mudahan jugo, umur gaek dipanjangkan. Emak ambo jugo. Oke, Tuhan?

“Kato apak tadi, doakan ajo katonyo. Mudah-mudahan dikasih umur panjang. Kini tu, kalau ado rezeki kito nabung bae buat emak, biar pacak pegi bareng umrohnyo,” ajak adek ambo.

“Oke!” kato ambo spontan.

“Pas balik dusun kemarin jugo, emak sempat cerito kalau utang apak yang 5 juta ke Aang la lunas. Aang  ngecek kek apak, biarla pak utang tu dak usah dipikirkan. Saya ikhlas, enggak usah dibayar. Doakan aja, nanti tahun depan saya sama istri mau berangkat umroh. Itu kecek emak ke ambo. Berarti kini dak ado hutang lagi kek Aang. Lunas,” kato ambo lagi.

“Itulah, apak ngutang dulu tu buek aa Cep  kuliah! Nyengsarokan agek bae la!” celetuk adek ambo, yang sebenarnyo duit tu buek dio bayar semesteran sebelum KKN tahun kemarin. Adek ambo gelak-gelak bae la ngomong cek itu. Ha. Kalau gelak cek itu, berarti nian duit hasil pinjaman dari Aang bukan buek ambo, tapi adek ambo. Dasar!

“Pak, kalau jadi pai umroh kelak, doakan ambo yo pas di dekek Hajar Aswad buek anakmu ini. Misalnyo, panjangkan umurnyo, rezekinyo, cepekkan dapek jodoh (kalo belum dapek  jugo di 2014 itu). Kalau la dapek, doakan istri ambo sholehah. Pokoknyo, kelak la pak, sebelum apak kelak pai cep tulis daftar permintaan yang mesti apak minta buek ambo di masjid Haram,” khayal ambo sambil main hape.

Kapan giliran ambo umroh?

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s