Bocor 2 (Tulisan Terakhir)

Yang pastinyo, besoknyo (pas 23/4) ponakan ambo tu spontan langsung ngecek kek ambo. “Mang, tadi sebelum masuk kelas, kami (termasuk ponakan) dapek jawaban soal Bahasa Indonesia. Jawaban itu segalonyo la ado di kerte kecik yang udah diketik,” kato ponakan ambo jujur.

Pas ambo tanyo dari mano kerte yang isinyo jawaban itu, ponakan ambo idak malu-malu lagi ngaku kalu kerte itu dari kawan-kawan kelasnyo tula.  Tapi, yang ambo heran ponakan ambo ko idak nengok jawaban yang dikasi kawannyo tadi. Entah ngapo. “Dari kawan kelas tu la. Tapi nian mang, adek idak samo sekali nengok pas ngerjakan soal Bahasa Indonesia. Tapi, pas adek cocokkan isian adek kek jawaban yang dapek dari kawan tu hampir samo galo. Adek dak nengok itu karno Bahasa Indonesia kan agak mudah,” kecek ponakan ambo lagi.

Ai, ambo dak pacak ngeceknyo lagi.  Yang jelas, semua sekolah la dikondisikan galo. Ngapo? Kalu dak cek itu, terus kalau ado sekolah yang muridnyo banyak idak lulus, kan malu nian sekolah tu.  Apolagi, dengar-dengar kalu sampe reputasi sekolah tu buruk gara-gara nilai UN-nyo jeblok, kepala sekolahnyo pacak dipecat atau dimutasi! Itu kecean orang, tapi terpakso ambo percayo jugo.

Di hari keduo, ketigo, kek keempek ponakan ambo tu ujian nasional, tiok pagi pulo, tepeknyo sebelum berangkek ke sekolah, ambo tengok dio tu selalu nyalin jawaban yang ado di HP-nyo ke kerte kecik, kek huruf kecik pulo. Subhanallah nian ponakan ambo ko. Nengok tingkah ponakan, ambo pacak ngiri bae (sebab, pas ambo SMP dulu acaro nyalin-menyalin tu idak enyo).

“Sms jawaban ko nyampe malam tadi dari kawan. Jawaban ko mulai dari paket A sampe E. Makonyo nak disalin dulu di kerte ko biar kelak mudah nengoknyo,” ucap ponakan sambil nulis di kerte kecik serius.

“Yak, kalu cek itu pasti lulus galo. Mano idak, jawaban la dapek,” kato ambo dak besuaro.

Jadi, kalu selama iko ado les tigo bulan sebelum UN, ngapo tobo guru banyak tu nak capek-capek les kalu setengah jam sebelum UN jawaban la tesebar kek murid? Ai, biaso bae, namonyo bae formalitas biar murid kek siswa tu ado gawe. Ha..dak pacak ngeceknyo lagi, Ndan!

Ya udemlah. Dak ado kesimpulan. Ambo hanya ngecek, mudah-mudahan ponakan ambo tu lulus. Dan kelak, pas dio la SMA/MA/SMK, pas kelas tigo nak ikut UN lagi, ambo pasti nanyo. “Dek, cak mano, la dapek sms jawaban buek UN?,” cek itu kiro-kiro (abis).

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s